Aquí podedes consultar as tarefas propostas para traballar a Educación Artística ao longo desta semana.

EDUCACIÓN INFANTIL
5º e 6º Educación Primaria
4º Educación Primaria
3º Educación Primaria
2º Educación Primaria
1º Educación Primaria

PRIMAVERA E ARTE: PINTURA

PRIMAVERA E ARTE II: PINTURA

Fai uns días engadía ao blogue unha entrada na que facía referencia á importancia das estacións, concretamente da primavera, como elemento inspirador para moitos músicos, que deixaron plasmada na súa obra a súa propia visión desta estación do ano.

Como ocorría cos músicos, son moitos os pintores que se sentiron inspirados pola chegada da primavera para as súas creacións xa é un tema que da moito xogo posto que implica ideas de gran beleza como: o renacer tras unha época de frío invernal; a natureza chea de flores e abundancia; a idea da xuventude, a beleza ou o amor e sobretodo é un símbolo de benestar, de alegría e de paz.

A continuación deixo algúns dos cadros máis famosos sobre a primavera.

La primavera de Sandro Botticelli (1477-78)

La primavera de Jean-Françoise Millet (1868-1876)

Paisaje de primavera de Monet (1873)

El rito de la primavera de Ignac Ujvary (1902)

DIXITACIÓN FRAUTA

FRAUTA: DIXITACIÓN

Este vídeo serviravos para recordar algunhas cousas traballadas nas clases sobre como tocar a frauta: colocación dos dedos sobre os buratos, posicións dos dedos para conseguir as diferentes notas,...

Animádevos a coller a frauta e practicar un pouquiño!

CANTEMAOS XUNT@S

A Obra Social ABANCA presentano seu programa AFUNDACIÓN na casa unha serie de recursos para apoiar aos nen@s e ás súas familias que poden resultar útil Nestes días de confinamento nas casas.  

Entre as súas propostas destaca unha visita virtual á mostra "Con D de arte". Entre as moitas actividades que nos presentan paréceme que CANTEMOS XUNT@S de Esperanza Mara é interesante para os nen@s de Educación Infantil.

Deixo o vídeo no que podedes desfrutar dunha das sesións titulada Adivina: Sabes cuál es la canción que falta?

 

CONSTRUÍR UN KAZOO

CONSTRUÍR UN KAZOO

Esta semana unha das propostas que fos fago é construír o voso propio kazoo, mirlitón, turuta,...A verdade é que é un instrumento popular e moi fácil de facer e tocar. O seu efecto sonoro é moi interesante xa que distorsiona as voces e produce sons moi graciosos.

Necesitamos poucos materiais, que seguro que teredes pola casa: rolos de papel (hixiénico, de cociña, de aluminio,...), papel celofán ou cebola (serve outro tipo de papel que non sexa demasiado groso), unhas gomas elásticas e pintura ou materiais para decoralo.

En primeiro lugar decoramos o cartón como máis nos guste. A continuación faremos un pequeno burato a uns dous centímetros dun dos extremos do tubo. Por último cubriremos un dos extremos dos rolo cun anaco de papel, que suxeitaremos cunha goma ao tubo. 

Xa está listo para tocar!

AUTORRETRATOS DA HISTORIA 

Como aos nen@s de 5º e 6º de Educación Primaria vos propuxen facer un autorretrato, quería deixarvos unhas mostras dalgúns dos autorretratos máis famosos da Historia da Pintura.

 Grandes artístas coma Leonardo da Vinci, Velázquez, Goya, Van Googh, Picasso ou Frida Khalo

son  alguns destes mestres da pintura que quixeron plasmar a súa imaxe nunha obra de arte.

Leonardo da Vinci (1513)

Velázquez (1640)

Goya (1815)

Van Gogh (1889)

Picasso ( 1907)

Frida Kahlo (1940)

PEDRO E O LOBO

Pedro e o Lobo é un conto musical escrito polo compositor ruso Sergueï Prokofiev en 1936 coa finalidade de darlle a coñecer aos nen@s os instrumentos musicais.

Cada instrumento representa unha personaxe: Pedro (cuarteto de cordas), Paxaro (frauta traveseira), Pato (oboe), Gato (clarinete), Avó (fagot) e Cazadores (vento metal e timbais)

Resúmovos nunhas liñas o conto: Pedro é un rapaz que vive no campo co seu avó. Un día deixa aberta a cancela do xardín e un dos patos escapa para ir nadar a unha charca cercana. Alí pelexa cun paxaro. Durante a pelexa aparece un gato, que quere comerse ao paxaro; pero Pedro ao darse conta avisa ao paxaro, que escapa a refuxiarse a unha árbore. Cando o avó se da conta de que Pedro está fora da casa marcha moi enfadado a buscalo xa que, como lle ten dito centos de veces ao neno, o lobo pode andar polo bosque e é moi perigoso. No momento en que Pedro e o avó marchan cara a casa aparece o lobo, que trata de atacar ao gato; pero este logra escapar encaramándose a unha árbore. O pato non corre tanta sorte e é atacado polo lobo. Pedr, que o ve todo desde o xardín, escapa outra vez da casa para axudar ao gato, Coa axuda do paxaro logra despistar ao lobo e agarralo cunha corda polo rabo. Cando aparecen os cazadores dispostos a matar ao lobo, Pedro e os outros animais non lles deixan e tratan de levar ao lobo a un zoolóxico.

Podedes encontrar moitas versións desta obra; eu deixo esta, que aínda que é algo antiga, paréceme moi divertida.

YELLOW SUBMARINE (THE BEATLES)

THE BEATLES - YELLOW SUBMARINE 

Fai uns poucos días cumplíase o 50 aniversario da separación deste grupo musical inglés tan importante na Historia da Música. Son centos de temas os que poderíamos escoller para repasar a enorme carreira da banda; pero como traballamos este tema nas clases, anímovos a ver o vídeo e a utilizar  o seguinte vídeo titorial para repasar un pouco.

SIGNOS DE REPETICIÓN

Este vídeo axudaravos a repasar os signos de repetición en música.

Tarefas de Eucación Artística para a semana do 20 ao 24 de abril

Aquí podedes consultar as tarefas propostas para traballar a Educación Artística ao longo desta semana.
Tarefa Educación Infantil
Tarefas Educación Artística 1º Ed. Primaria
Tarefas Educación Artística 2º Ed. Primaria
Tarefas 3º e 4º Ed. Primaria
Tarefas Ed. Artística 5º e 6º Ed. Primaria

RITMO CON PALILLOS

Estes ritmos son moi sinxelos, intenta seguir o musicograma cuns palillos, uns lápices, unhas culleres e sen non tes nada a man coas palmas batendo unha contra outra ou contra unha mesa. 

Que animal soa?

IDENTIFICAR INSTRUMENTOS MUSICAIS

Adiviña que instrumento soa.

Tarefas para a semana do 14 ao 17 de abril de 2020

VOLVEMOS AO TRABALLO! ESTADES PREPARADOS? ÁNIMO!!!

Nesta entrada podedes consultar as tarefas que vos propoño para traballar esta semana. Escollede o voso curso e pinchade no enlace para acceder aos materiais.

Tareas 1º Educación Primaria

Tareas 2º Educación Primaria del 14 al 17 de abril.

Tarefas música 3º e 4º de Educación Primaria semana do 14 ao 17 de abril
Plástica 3º e 4º Educación Primaria 1º sesión
Plástica 3º e 4º de Educaión primaria 2ª sesión

Tarefas música 5º e 6º de Educación Primaria semana do 14 ao 17 de abril
Plástica 5º e 6º Educación Primaria 1ª sesión
Plástica 5º e 6º de Educación Primaria 2ª sesión

Concerto desde a casa de CHUMI CHUMA

Hoxe quero compartir convosco este concerto que, desde a casa, organizan todas as semanas o grupo CHUMI CHUMA. Hoxe o tema principal de todos os temas é a hixiene corporal.

Desfrutádeo!!!

https://www.youtube.com/watch?v=1yncRCUg4E4

A CONTAMINACIÓN ACÚSTICA

Gustaríame que todos reflexionasemos un pouco sobre este tema, un problema que seguramente para moitos pasa inadvertido. 

Na nosa sociedade o silencio estase a converter nun ben escaso. De feito, de entre os moitos axentes da contaminación ambiental, tal vez sexa o ruído un dos que máis aumenta, provocando maiores molestias directas no ser humano.

Numerosos estudios amosan que a contaminación acústica provoca lesións no organismo, é a causante de danos de tipo físico e tamén de problemas de tipo psicolóxico.

Entre as doenzas de tipo físico quizais a máis evidente é a perdida  da capacidade auditiva; pero o noso corpo interpreta os sons fortes e o ruído como un sinal de alerta que afecta a todo o noso organismo e provoca alteracións fisiolóxicas no sistema cardiovascular, dixestivo e nervioso. 

O estado de alerta e tensión que produce o ruído no noso organismo tamén ocasiona problemas de carácter psicolóxico como alteración do sono, perda de concentración, ansiedade, irritabilidade, estrés,...

Os expertos consideran que unha dose de 65 dB (decibelios) é o límite para a saúde mental e física. A OMS (Organización Mundial da Saúde) recomenda un máximo de 55 dB durante o día e de 45 dB durante as noites.

Pensades que se respetan estes límites ou deberíamos concienciarnos todos un pouco máis?

AS VOSAS CREACIÓNS

Estes días estades aproveitando para facer moitas cousas na casa, nesta entrada deixovos un bonito traballo manual que fixo o compañeiro Víctor de 6º de Primaria. Gracias por compartilo con todos nós. Espero que vos guste e que vos animedes tamén a compartir as vosas creacións.